العيش (الخبز) الأبيض على البوتوجاااااااز من فوق..

النهاردة حبيباتى هقدملكو العيش الأبيض (عندنا فى مصر بنسمى الخبز عيش) بطريقة سهلة وحلوة ودايماً بتسعفك وقت الأزمات لما ميكونش عندك خبز طاااااااااااازة لزوم الفسيخ مثلاً
نبتدى بسم الله
الموضوع سهل جداً

كل اللى محتاجينه دقيق منخول جيداً, حوالى 2 كوب
وماء للعجن, ملح حسب رغبة سيادتكم, والمفاجأة...باكو بيكنج بودر
أيوة ورب الكعبة...بعمله بالبيكنج بودر مش الخميرة البيرة ولا الفورية.... وطبعاً لزوم النضج محتاجين طاسة (مقلاة) تيفال

نيجى للطريقة حبيباتى

نضع الملح والبيكنج بودرعلى الدقيق ونخلطهم جيداً, ثم نعجن بالماء البارد (طبعاً من الحنفية مش الثلاجة) حتى تتكون عجينة وسط بين اليبس واللين
نقطعها كور متساوية حسب الرغبة وحسب حجم المقلاة, ثم نغطيها ونتركها ترتاح حوالى نصف ساعة
نرش دقيق على ترابيزة العمل ونفرد كل كرة إلى دائرة (طبعاً بقدر الإمكان) ونتركها ترتاح ربع ساعة قبل عملية الإنضاج

كيفية الإنضاج حبيباتى

نضع المقلاة التيفال على نار هادئة حتى تسخن ثم ننفض العجين المفرود دائرة من الدقيق الزائد ونضعه فى المقلاة ونغطيها, طبعاً نستمر على النار الهادئة
بعد قليل, ارفعى الغطاء ستجدى الخبز قد انتفخ ونضج...وبالهنا والشفا

على فكرة...لمحبات العيش الأسمر, نفس الطريقة بس سنستبدل الدقيق الأبيض بالردة وقليل من الدقيق الأبيض معها حتى تتماسك فى العجن...أو لو عرفتم تشتروا دقيق أسمر كامل من البدايه يكون خير وبركة
متنسوش تجربو وتدعولى...اوعو تدعو على بالله عليكو, بس والله بيطلع العيش وهميييييييييييييييييى وأجمل ما فيه إنه صنع البيت وسهل قوى وسخخخخخخخخخخن

العيش (الخبز) الأبيض على البوتوجاااااااز من فوق.. 1%20%284%29

العيش (الخبز) الأبيض على البوتوجاااااااز من فوق.. 1%20%284%29

» الفلفل الأبيض والأسود
» طريقة عمل الخبز بالطريقة اليمنية
» الخبز الفرنسي بالزيتون والجبنة
» أسلمت دون زوجها ، فهل لها أن لا تترك العيش معه لظروفه الصحية وظروفها المالية ؟